Bhatarsaigh agus na Raiders

Foillsichte 2023.

Sgrìobhte agus deasaichte le Lisa Storey
Sùil air poilitigs le Aonghas MacLeòid

Tha eachdraidh iongantach aig Eilean Bhatarsaigh. Tro chainnt nan daoine fhèin, tha an leabhar ùr seo a’ toirt sùil bheag air an eilean bho thoiseach an 20mh Linn chun an latha an-diugh. Gnothach na Raiders, mar eisimpleir, agus mar a thug an ùine a chuir deichnear seachad sa phrìosan an Dùn Èideann buaidh air strì an fhearainn ann an iomadach àite eile an Alba. Thug e crathadh air poilitigs, mar a tha Aonghas MacLeòid ag aithris.

Dhùisg iomairt Bhatarsaigh muinntir an àite agus chaidh meuran den Land League a stèidheachadh air feadh Bharraigh goirid às a dhèidh.

Am b’ fhiach an spàirn, ge-tà? Tha Lisa Storey (Lisaidh Dhonnchaidh Mhòir) a’ beachdachadh air mar a dh’atharraich gnothaichean thairis air an 20mh Linn ann an sgrìobhaidhean ùra - foillsichte airson a' chiad triop san leabhar seo - agus sgrìobhaidhean a rinn i mar thà. Thàinig cabhsair ann an 1991 agus buaidh na chois, math is dona.

Ciamar a chaidh do Bhatarsaigh thar nam bliadhnachan? Dè a-nis an saoghal a tha ro mhuinntir an àite?

ISBN 978-1-8384484-1-7

Pàipear. 85 duilleag. Foillsichte le Clò Phabaigh, Inbhir Nis.